معاك جهازك ماك ومحتاج تشغل عليه ويندوز؟

معاك جهازك ماك ومحتاج تشغل عليه ويندوز؟

هناك العديد من الاختيارات المتاحة لمستخدمي اجهزه الماك بوك اير والماك بوك برو لتشغيل الويندوز على اللابتوب خاصة لو كان البروسيسور انتل.
الاختيار الأول: - Apple BootCamp
ميزه البرنامج انه بيخليك تسطب الويندوز بكل سلاسة وبينزل كل التعريفات الأساسية عشان تشتغل على طول وساعتها مش هاتحتاج تدور على تعريفات ولا تتأكد من توافقها مع بعض كمان البرنامج متاح علي نظام التشغيل الماك مباشره فمش محتاج تحمل أي برامج على الاطلاق وذلك بعد اتباع الخطوات المتاحة من خلال الدليل التالي من شركة أبل
بعدها يمكنك التحويل بكل سلاسة بين نظامي التشغيل ويندوز وماك. كلاهما يعمل كنظام تشغيل مستقل. وعند الدخول للويندوز يمكن تحميل البرامج وعمل التحديثات بدون أي مشاكل كأنك شغال على جهاز ويندوز عادى جدا.
عيب الطريقة دى حاجة واحدة إنك علشان تنتقل من الويندوز للماك او العكس بتضطر تعمل ريستارت للجهاز وتختار من البداية نوع نظام التشغيل اللي ها تشتغل عليه.
الاختيار الثاني: - Virtual Machines
تتوفر برامج كثيره منها المدفوع والمجاني علي حسب طبيعة استخدامك. ونرشح لك واحد من البرنامجين
1- VMware fusion 12 Player (Free)
البرنامج مجاني للاستخدام الشخصي ودا رابط التحميل
2- Parallels (Paid)
البرنامج مدفوع، ولكن تقدر تنزل نسخه تجريبيه عشان تشوفه ان كان مناسب ليك ولا لا
كلا البرنامجين هيسمح لك تسطب نظام تشغيل الويندوز على الماك as Virual Machine
ولكن طبعا بياخد من الرام والبروسيسور بتاع الجهاز زي أي برنامج انت مشغله (زي ما تكون مشغل برنامج الاكسيل مثلا فيبقى ساحب من رامات وبروسيسور الجهاز) وبتقدر تتحكم في حجم الرام المتاح وأيضا البروسيسور اللي تقدر تستخدمه للويندوز وبمجرد ما تقفل نسخة الويندوز فالرامات والبروسيسور بالكامل هتكون متاحة لنظام الماك. الميزة في الطريقة دى إنك هاتقدر بسهوله تشارك البيانات والملفات بين النظامين وكمان تقدر تنتقل من نظام تشغيل لأخر بسهولة شديدة.
العيب البسيط في الطريقة دى هو إنك هاتحتاج تنزل احد البرامج المساعدة زى اللى البرنامجين المذكورين فوق.
لو عايز مساعدة في تطبيق الطريقتين كلمنا واحنا هانساعدك
Back to blog

Leave a comment

Please note, comments need to be approved before they are published.

New Arrivals