اشترى جهاز لاب توب مواصفاته ايه ؟؟؟

 أول ما تجيلك فكرة انك تشترى لاب توب   فلازم قبل اى حاجة تحدد هاتستخدم الجهاز فى ايه ،علشان تختار جهاز مواصفاته تتناسب مع استخدامك. ، مثلا هتستخدم الجهاز خارج البيت كتير فهتحتاج لبطارية تقعد لفترات كبيرة ولا مش ضرورى ، حجم الرامات، متطلبات التخزين ..إلخ. } علشان ما تشتريش جهاز امكانياته اقل من استخدامك فيزهقك و يبقى صعب ترجعه او تستبدله ولا تشترى جهاز امكانياته اعلى من استخدامك فتبقى دفعت فلوس على الفاضى

 فى اللى جاى الدليل الشامل لاختيار لابتوب يناسب احتياجك
بس تعالى نعرفك على أدوار الـ 4 مكونات دول اللى هنقيس عليهم المواصفات اللى هتناسب استخدامك
1- المعالج || Processor: هو المسؤل عن أداء اللابتوب
2- الرام : يحدد سرعة تبادل البيانات بينه وبين باقى مكونات الجهاز
3- كارت الشاشة : هو المسؤل عن عرض الصور والفيديو و الالعاب وغيرها و يوجد نوعان (كارت مدمج داخلى - كارت منفصل خارجى)
4- الهارديسك : القرص الصلب الخاص بتخزين البيانات

طبيعة استخدامك للاب توب اية 
 استخدام بسيط
مجرد تصفح النت ، بتستخدم برامج مايكروسوفت و برامج خفيفة. لو دة اللى انت محتاجة من اللاب توب، يبقى تدور على المواصفات دى
- معالج Core I3 الجيل الثالث او أعلى
- الرامات تكون 2 لـ 4 جيجا رام (مش هتفرق النوع سواء DDR3 , DDR2 )
- كارت الشاشة مش هايفرق كتير
- الهارد حسب متطلبات التخزين بالنسبالك و لكن أقل حاجة 500 جيجا

 استخدام للالعاب البسيطة و برامج التصميم
لو استخدامك كل الل فات + تحميل بعض الالعاب الخفيفة، استخدام برامج التصميم وبرامج مكتبية عالية ، وايضًا مشاهدة الافلام بسلاسة يبقى تدور على لاب توب فيه
- معالج يفضل core I 5 بس سرعة المعالج لا تقل عن 2 جيجا هرتز.
- جيل الجهاز ( يفضل جيل رابع فيما فوق )
- الرامات تكون 4 جيجا رام
- كارت الشاشة لا يقل 1 جيجا ( 1 جيجا القيمة الفعلية للكارت ) هتلاقى ناس تقول كارت الشاشة اب تو 4 جيجا بس فى الحالة دى هو بيسحب من الرامات
- الهارد حسب متطلبات التخزين بالنسبالك و لكن أقل حاجة 500 جيجا

 الاستخدام العالى
كل الل فات + مونتاج الفيديوهات والصور و تشغيل الالعاب بجرافيك عالي.
يبقى انت عايز
- معالج يفضل core I 7 أو ممكن Core I 5 بس سرعة المعالج لا تقل عن 2.7 جيجا هيرتز فيما فوق) .
- جيل الجهاز ( يفضل جيل خامس فيما فوق )
- قيمة الكاش لا تقل عن 4 ميجا ( الكاش دى مهمتها تسرع تنفيذ أوامر البرامج )
- الرامات تكون 4 لـ 8 جيجا
- كارت الشاشة لا يقل2 لـ 4 جيجا
- يفضل يكون الهارد SSD .

بصفة عامة..... يا سلام لو يكون الهارد SSD هيفرق معاك فى سرعة الجهاز
نراعى ان بعض البرامج ببقي ليها متطلباتها خاصة
المواصفات الموصي بها للاستخدام الأمثل . المواصفات دي لو تحققت ف الجهاز تلاقي البرنامج يشتغل بكل سلاسة وتستمع جدا وانت شغل عليه وهي كا الاتي
الويندوز 10 و 64 بيت
الرام : 16 جيجا
كارت الشاشه : 4 جيجا
ومساحه فاضيه علي الهارد لاتقل عن 4 جيجا
ويفضل يكون الهارد اللي عليه البرنامج SSD

كماااااااااااااان.... لو عاوز تسأل على مواصفات الأجهزة المناسبه لاستخدامك برنامج تقدر تتواصل مع فريقنا من المهندسين عشان يساعدوك تختار الأفضل و الأنسب ليك.
كلمنا على ت/واتساب: 01090595053
أو نتشرف بزيارتك فى
سنتر كنوز النيل خلف مسجد عماد راغب - الحى الرابع - اكتوبر

و ماتنسووووش تتابعو صفحتنا علشان تعرفوا كل جديد فى السوق يخص اجهزة الكمبيوتر
https://www.facebook.com/RebuyTechEg/